Ano Nga Ba Ang Effort?

•August 24, 2016 • Leave a Comment
wasted effort meme

Effort unnoticed can sometimes feel like effort wasted (but not actually).

Panimula

Heto na naman tayo. Usapang effort na naman. May post na ko tungkol sa effort, pwede nyong basahin dito. Pero kung may post na ko tungkol dito, bakit meron na naman? Ewan ko rin e, gusto ko lang. Andami rin namang nagpopost sa mga social media ng tungkol sa effort e, kaya di mawala-wala sa isip ko. Haha. Simple lang ang gusto ko sabihin sa post na to – sasabihin ko sa inyo kung ano ang effort. Gaya ng ibang mga post, may definition din ako ng effort. Siguradong magugulat kayo pag nabasa nyo.

Ano Bang Sabi Nila?

Bago ko sabihin kung ano bang definition ko ng effort, sasabihin ko muna yung ibang mga nabasa ko sa mga social media. Actually, kanya -kanya sila ng definition, pero usually may parang inspirational tone and dating pag sinasabi nila. May naalala ko parang ganito (non verbatim):

“Ang effort ay hindi pagdedate sa’yo at sya ang magbabayad. Hindi ito pagsundo sayo sa kotse nya. Hindi ito mga regalo na binibigay nya sayo. Ang effort ay yung nag-iipon sya para makakain kayo sa labas, kahit sa fast food resto lang. Ang effort ay yung pagcommute ng ilang oras para lang masundo ka kahit wala syang kotse. Ang effort ay yung imbis na ipambili nya ng gusto nya e iniipon na lang nya para may pambili sya ng munting regalo sayo.

Ang effort ay hindi kung gaano karami ang binibigay mo, bagkus kung gaano kalaki ang kaya mong ibigay kahit walang wala ka na. Nililibre ka nga nya, e malaki naman sweldo nya, at 10% lang ng sweldo nya ang nilalaan nya sayo. Hinahatid at sundo ka nga nya, nakakotse naman sya at hindi nahihirapan. Nagreregalo nga sya, binili lang naman nya yun at hindi pinaghirapan. Ang tunay na effort ay nasusukat sa mga sakripisyong kaya nyang gawin para sayo.”

Pag binasa mo yan, siguro maiisip mo “wow grabe inspiring. Tama nga, ang effort ay yung pinaghihirapan.” Mukhang inspiring nga, ang ganda ng pagkakasabi e. Kaso pag inisip mo, pano na yung mga malaki ang sweldo? Pag mahirap ka at nanlibre ka sa jollibee, effort yun. Pero pag mayaman ka at nanlibre ka sa jollibee, hindi effort yun at kahiya-hiya ka dahil jollibee lang? Bakit, pag malaki ba sweldo mo e hindi mo na pinaghihirapan yung kinikita mo? Saka ano naman kung 10% lang ng sweldo ang nilalaan mo sa kanya? Kelangan ba binibilang yun?

Pag may kotse ka at hinahatid at sundo mo sya, hindi raw effort yun kasi madali lang naman magkotse compared sa magcommute. Totoo naman na mas madali magkotse kesa magcommute, pero bakit pag nakakotse ka hindi na effort ang maghatid sundo? Nagddrive ba mag-isa yung kotse? Hindi ba nakakapagod yun? Saka libre ba yung gas?

Pati yung pagbili ng regalo, oo madali pumasok sa isang tindahan at bumili ng regalo. Pero hindi lang naman yun yung effort dun e. Pati yung pinambili ng regalo effort yun. Gaya ng sabi ko kanina, kahit malaki sweldo mo, kelangan mo pa rin mag-ipon at kelangan mo pa rin paghirap at pagtrabahuhan yung peran yun. Kasama yun sa effort na nilalaan mo para magkapera ka pambili ng regalo.

Ang punto ko lang, totoo namang effort yung manlibre kahit halos wala nang natitira sa sweldo mo, yung magcommute para sumundo at mag-ipon ng bongga para bumili ng regalo. Pero sana wag natin isipin na hindi na rin effort yung ibang may convenience. Mas maaapreciate mo yung effort ng pagsundo sayo ng may kotse pag nakameet ka ng taong may kotse na nga ayaw ka pa rin sunduin. Haha.

So ano nga ba ang effort? 

Ok, eto na. Ano nga ba ang effort? Gusto mo ba malaman? Kung naghihintay ka talaga na sabihin ko sayo kung ano ang effort, may problema ka. Isa ka siguro sa mga nainspire dun sa kinuwento ko sa taas. Ang totoo kasi nyan, hindi ko sasabihin sayo kung ano ang effort. At mali ka para makinig sa ibang tao kung ano ang effort. Ano ang effort? Aba ikaw ang dapat madefine nyan sa sarili mo. Huwag mong hayaang maging definition mo ng effort ang definition ng iba. Dapat magkaroon ka ng sarili mong standards. Alamin mo sa sarili mo kung ano ba yung naaapreciate mo. Huwag ka magpadikta sa iba.

Ang problema kasi natin minsan (o madalas) e gusto lagi natin makiuso, magfit in at maging katulad ng iba. Pero hindi naman lahat ganun. Natutuwa ako tuwing may nakikita ako sa facebook na nagpopost ng appreciation nya para sa bf/gf nya para lang sa maliit na bagay. Yung tipong “thank you sa paghatid” o “thank you sa pagsama sakin mamili” o “thank you sa pagdaan para lang makipag-usap”. Marami kasing nakakalimutan na yung small things, at hindi na binibilang yun bilang effort dahil lang sobrang liit, o sobrang common na. Natutuwa ako dahil may sarili silang definition ng effort, at hindi lang sumusunod kung ano yung sabi sa isang facebook o instagram post.

Huling Salita

Pinahaba-haba ko pa yung post ko, isa lang naman yung gusto kong sabihin – ibase mo yung defition mo ng effort sa kung ano talaga yung nakikita mong effort. Kahit gaano kaliit, gaano ka simple at gaano kacommon, wag mong itago at ikahiya. Iwasan mong madala sa mga post na nagsasabi sayo kung ano ang effort at ano ang hindi, dahil ang totoo, wala silang alam tungkol sayo. Sino ba sila para sabihin sayo kung ano ang effort at ano ang hindi? Kung para sayo effort ang paglibre sayo ng pamasahe sa jeep na 7 pesos lang kahit na 6 digits ang sweldo nya, dapat panatilihin mo yun. Pahalagahan mo at ipagmalaki. Kakaunti na lang ang nakakaappreciate ng maliliit na bagay.

P.S. Please like my facebook page: Maynard Landrito Writer

Mga Ineexpect Ng Mga Lalaki Sa Mga GF Nila

•February 29, 2016 • 5 Comments

do's and don'ts

Panimula

Ang tagal kong inisip kung ano nga ba ang tamang title sa post kong ito, pero wala talaga akong maisip, kaya ayan na lang. Title pa lang siguro alam nyo na kung anong sasabihin ko. Actually, madami sa mga sasabihin ko ay sobrang obvious na magtataka kayo kung bakit ko pa ba sinasabi yun eh dapat alam na ng lahat yun. Apparently, may mga babae pa ring hindi alam yung mga supposedly obvious na mga bagay na yun, kaya nandito ako para sabihin na sa kanila ng rektahan kung ano nga ba talaga yung mga dapat at di dapat gawin kapag may BF ka na.

Marami sa mga sasabihin ko ay applicable din naman sa mga lalaki, pero yung iba ay specific lang sa mga babae dahil na rin sa gender roles. Ang susunod na listahan ay hindi komprehensibo at hindi kumpleto. Eto lang siguro yung mga naisip ko na obvious, pero hindi masyadong common. Ano girls, handa na ba kayo? Sorry kung yung iba sa inyo alam na lahat ‘to. Haha.

Do’s

Magsimula tayo sa mga do’s. Eto yung ilan sa mga bagay na ineexpect namin na gawin nyo bilang mga GF namin:

Matutong tumingin at kumilatis ng mga motibo ng mga tao sa paligid mo.

Dapat alam mo kung friendly lang ba talaga ang isang lalaki o nagdadamoves na sya sayo. Ayaw naming sabihin mo na “friends lang habol nun sakin” dahil alam naming walang lalaking “friends” lang ang habol sayo. Kelangan mong maintindihan yun. Kung “hinahabol” ka nya at nag-eeffort para lang makipagfriends sayo, dapat alam mo na ang ibig sabihin nun. Be mature enough to know and acknowledge when someone is flirting with you. Tandaan mo, almost everything starts with “innocent” friendship.

Learn to say no.

Peer pressure is hard to resist, pero dapat alam mo na kung kelan tatanggi sa mga request ng friends mo, lalo na kung alam mong ikagagalit ng BF mo. At least sabihin mo man lang muna sa BF mo bago ka magdesisyon. Hindi ko sinasabing wag ka nang sumama sa friends mo ever at laging no ang isagot mo. Gaya ng sabi ko kanina, learn to read other people’s motives and intentions. Yung movie date o dinner na inooffer sayo nung crush mong officemate – para san ba yun? The worst thing you can do is to say yes to something that you know your BF will disapprove just because nahiya ka dun sa nagyaya.

“Push” away guys that are being flirty and aggressive.

Napakaobvious na nito but I still want to add it here. If passive rejection is not working, you have to do something else. Wag mong sabihin na “sya naman lumalapit sakin e” pero wala ka namang ginagawa para iwasan sya. It’s not enough na hindi ikaw yung gumagawa ng first move, kelangan proactive ka sa pagpush away sa mga taong alam mong may masamang maidudulot sa relationship mo with your BF. Kahit “friends” lang kayo, dapat alam mo kung kelan dapat mo na syang pigilan at pagsabihan. Gaya ng sabi ko kanina, almost everything starts with friendship, so you must be vigilant in making sure your friends remain only as friends. Wala naman yatang sinadyang mahulog ang loob sa iba. Nangyayari lang yun ng kusa, lalo na kung hindi mo iiwasan.

Always tell you BF when you’re going out with friends.

Minsan naiisip ng girls na wala lang naman to, so kahit di na nila sabihin. Well kung wala lang naman, then it wouldn’t hurt to tell your BF. Isang text lang naman yan na “uy kakain kami ng lunch nina ganito ganyan”. Honesty and open communication are vital in a relationship. Mas lalo mong kelangan sabihin sa bf mo pag kasama mo yung pinagseselosan nyang friend mo, para maassure sya na nothing’s gonna happen. Yung iba kasi mas tinatago pa kasi raw para iwas away na lang, pero it usually ends up causing the argument.

Give enough space para sa inyo ng BF mo.

Don’t let your whole lives revolve around each other. Again, obvious na to. You should help each other grow, and only being with each other can actually hinder that. Dapat may friends night out pa rin kayo kasama ang kanya-kanya nyong friends. Dapat may individual hobbies pa rin kayo. Hindi porket meron nang “kayo” eh mawawala na yung “ikaw” at “siya”. Maraming relationships na ang nasira dahil nagkasawaan o may nasakal.

Integrate into each other’s lives.

Hindi lang dapat kayo ang magkakonekta. Dapat mag-effort ka na kilalanin ang mga tao sa buhay nya – ang family and friends nya. Ang lungkot tignan pag hindi ka friends sa friends nya, at hindi sya friends sa friends mo. Parang may sarili kayong mundo. Isa pa, you’ll get to know your BF more by getting to know the people around him.

Don’ts

O tama na muna yung do’s, eto naman yung mga hindi dapat gawin:

Wag makipagflirt at maging touchy sa ibang guys.

Siguro natatawa ka dahil sobrang obvious, pero yun nga, nilagay ko na rin ulit kasi baka may iba dyan na hindi alam. Haha. Yung pag-alis sa pagiging touchy, siguro hindi naman hard requirement. Alam kong may mga tao talagang touchy lang talaga. Pero kung kaya nyo namang bawasan e mas ok para samin. Basta wag kang makipagflirt sa iba. Ang landi mong tignan pag ganun haha. Obviously, you have to know and define what flirting is. Kelangan malinaw sa inyo ng BF mo kung ano ba yung macoconsider na flirting.

Wag kumontak ng ibang lalaki pag nag-away kayo ni BF.

Eto hindi masyadong obvious, dahil feeling ko maraming magtataka kung bakit ko nasabi to. Syempre kung may best friend kang lalaki na lagi mong pinagsasabihan ng problema, e go lang. Pero kung normal friend mo lang ang kokontakin mo para lang may makausap, naku masama yan. Wala ka bang babaeng friend? Dun ka magkwento. Isa kasi sa pinakacommon at pinakaeffective na bonding moment at bonding topic ang love, lalo na yung mga painful at heartbreaking stories. Yung pagsheshare ng mga sad at painful moments mo sa love eh talagang nagpapaclose ng dalawang tao. Kaya pag nag-away kayo ni BF at nagkwento sa isang kaibigan mong lalaki, naku that’s a recipe for disaster. Malamang magiging close kayo. Isa pa, binibigyan mo ng opportunity yung lalaki na gatungan ka at ipakita sayo na bulok yung BF mo at mas ok sya dahil nandyan sya in your time of need.

Wag mong ipagkalat na nag-aaway kayo.

Kahit sa social media man yan o magGM ka sa friends mo, wag mong ipagkalat na nag-aaway kayo. Hindi ko sinabing itago mo yung away nyo at magsinungaling ka at sabihing ok kayo kahit hindi naman. Pero sabihin mo lang sa mga nagtatanong. Wag mo nang ibroadcast sa mundo. Ang away at tampuhan nyo ay dapat private lang kasi personal lives nyo yun e. Isa pa, most likely e biased yung magiging post mo at lalabas e yung BF mo ang masama (kahit na pwede namang ikaw yung may kasalanan). Finally, magsisilabasan lahat ng abangers mo at tatadtarin ka ng messages na nagtatanong o nagcocomfort. Tapos ganun din, kung ano yung sabi ko kanina – magkkwento ka and the rest is history.

Wag mong sabihin o iparamdam sa BF mo na may kaibigan kang mas “ok” kesa sa kanya.

Mapride ang mga lalaki, kahit na madalas naming nilulunok yun in the name of love. Pero isa sa mga ineexpect namin e kami yung best guy sa buhay nyo. Masakit para samin maramdaman na may ibang lalaki na mas pipiliin mo pagdating sa mga bagay bagay. Pag nag-aaway kayo, wag na wag mong sasabihin na “buti pa si ganito eh ganyan”. Sabihin mo lang kung ano yung mali o kulang nya, wag mo nang icompare sa iba. Tuwing nacocompare kami sa iba, naiisip namin na hindi naman yata kami ang mahal nyo, kundi sila. Imbis na “Buti pa si Mark may time para samahan ako, ikaw laging walang time”, pwede mong sabihing “lagi ka na lang walang time para samahan ako kaya napilitan akong magpasama sa iba”. Naiparating mo pa rin yung point mo, pero hindi mo na sya ikinumpara sa iba.

Huling Salita

Hindi ko akalaing hahaba ng ganito ‘tong post na ‘to. Pasensya na. Sorry din kung nakapaobvious ng mga pinagsasabi ko. Salamat dahil binasa mo pa rin. Hopefully may mga taong may natutunan dito kahit papano. Sya nga pala, general guidelines lang naman yan. Syempre may mga lalaking hindi lahat yan e ineexpect nila. Pero magandang starting point na rin yan. Isa pa, may mga lalaking hindi lang nila masabi sa GF nila yung mga bagay na yan dahil sa iba’t ibang kadahilanan.

O s’ya, yun lang muna. Alam kong may mga violent reactions kayo o kaya naman may listahan din kayo ng mga ineexpect nyo saming mga boys. Actually sana nga may babaeng gumawa ng listahan na yun para mas madali para saming mga lalaki. Para hindi na kami laging nanghuhula. Madalas kasi ayaw nyo naman sabihin, kelangan mafigure out namin on our own. Pwede namang sabihin na lang. Haha.

P.S. Please like my facebook page: Maynard Landrito Writer

Bakit Hindi Ako Nanlilibre Ng Todo

•February 16, 2016 • Leave a Comment
Kung ganyan lang sana karami ang pera ko!

Kung ganyan lang sana karami ang pera ko!

Panimula

Kung kilala nyo ‘ko noon pa, siguro alam nyo na kuripot ako. Pero actually, hindi naman ako kuripot – wala lang talagang pera. Iba yung kuripot sa nagtitipid. Akala ko nung bata ako, mayaman kami. Hindi pala. Burgis lang pala. Hindi nga ‘ko bumibili sa canteen ng para sakin, manlilibre pa ko?

Totoo, nung elementary ako, hindi ako bumibili sa canteen dahil wala akong baong pera – puro pagkain lang. Nung highschool naman, hindi rin, dahil may baon rin akong pang recess at lunch. Bakit pa ko bibili? Iniipon ko na lang yung baon kong 20 pesos kada araw. Nung college na, dun lang ako nagsimulang bumili regularly. Kailangan e. Wala na kong baong pagkain. Puro pera na lang. Pero kahit nung college, matipid pa rin ako dahil di naman malaki ang baon ko, sapat lang. Kailangan ko pang ipunin yung tira para sa mga projects. Hindi ako humihingi ng pangproject o panggala – lahat kinukuha ko lang sa naipon ko galing sa baon.

Ngayong nagtatrabaho na ko, bihira pa rin akong manlilibre ng todo. Ang ibig kong sabihin sa “todo” eh ako lahat magbabayad. Usually, pag “nanlilibre” ako, ako lang magbabayad ng majority ng presyo, pero magbibigay pa rin yung mga kasama ko. Pero bakit? Bakit nga ba hindi ko na lang bayaran ng kumpleto?

Continue reading ‘Bakit Hindi Ako Nanlilibre Ng Todo’

Mga Dapat Mong Sabihin Pag Makikipagbreak Ka Na

•February 3, 2016 • Leave a Comment
Breakup

Breakup

Panimula

May mga taong darating sa buhay natin na darating ang panahon ay kailangan nating iwan. Isa na dyan ang ating mga naging BF/GF. Sa panahon ngayon, normal na ang magkaron ka ng maraming BF/GF (pero hindi sabay-sabay) bago ka magsettle down sa mapapangasawa mo. Rare na lang yung mala-fairy tale ang buhay at kung sinong first BF/GF nya eh sya rin yung mapapangasawa nya.

Sa bawat relationship na papasukin mo at iiwan, may breakup na magaganap. Mahalaga ito para sa tinatawag nilang closure. Parang malinaw sa inyo na tapos na kayo at pwede nang lumandi ng iba. Pero kung makikipagbreak ka sa syota mo, may mga advice ako sayo sa mga sasabihin mo at hindi mo dapat sasabihin. Handa ka na ba?

Continue reading ‘Mga Dapat Mong Sabihin Pag Makikipagbreak Ka Na’

Bakit Laging Kulang Ang Effort Ng Mga Lalaki

•January 25, 2016 • 1 Comment
effort shown by atlas

Ganito ang effort na usually gusto ng girls hehe

Panimula

Tuwing nagfefacebook ako, lagi akong nakakakita ng video ng lalaki na sinusurprise yung GF nya, na shineshare ng mga babae, na usually ay may caption pang “Sana ganito lahat ng mga lalaki”. Natutuwa sila dun sa effort ng lalaki, at the same time nadidismaya sila dahil parang wala na raw ganung lalaki. Wala na raw nag-effort ng todo. Marami na rin akong nakitang relasyon na natapos dahil sa “nagkulang sa effort” yung lalaki. Pero bakit nga ba? Bakit madaming mga babae ang nagsasabing habang tumatagal, kinakapos sa effort ang BF nila? At bakit nga ba mga babae lang lagi ang nagsasabi nito? Tara at samahan nyo kong tuklasin.

Continue reading ‘Bakit Laging Kulang Ang Effort Ng Mga Lalaki’

Sino Ang Dapat Sisihin Pag Nasulot Ang Girlfriend Mo?

•January 12, 2016 • Leave a Comment

10484523-large

Panimula

Ahasan. Agawan. Sulutan. One way or another, siguro alam nyo naman to, at nangyayari talaga to sa totong buhay. Kung hindi mo pa naexperience, congratulations dahil isang kang maswerteng nilalang. Pero hindi mo kelangang maexperience to para malaman na masakit ang masulutan. Most likely, hindi lang malungkot pag nangyari, galit ka rin. Galit ka dahil alam mong hindi tama. Ang pangit tignan. Usually, walang maayos na breakup at closure ang isang relationship kapag may naganap na sulutan.

Ang tanong lang eh saan mo ibabaling ang galit mo? Sino bang dapat mong sisihin? Sino nga ba ang talagang may kasalanan kapag nasulutan ka? Gagamitin kong example eh yung lalaking nasulutan ng GF, pero alam kong applicable din ‘to the other way around. Okay?

Continue reading ‘Sino Ang Dapat Sisihin Pag Nasulot Ang Girlfriend Mo?’

Tao Rin Kaming Mga Lalaki

•December 20, 2015 • Leave a Comment

images

Panimula

Gender roles. Narinig mo na ba ‘to? Bakit nga ba meron nito, at kelangan pa nga ba natin nito? Hindi natin maikakaila na may pinagkaiba ang mga lalaki sa mga babae – sa pisikal, sikolohikal o iba pa mang aspeto. Pero hindi mo ba naisip na baka lalo lang nating pinapalaki ang mga pagkakaibang ito dahil sa paglalagay natin ng gender roles sa mga tao?

Dahil lalaki ako, madali sakin makita ang mga aspeto ng buhay ng isang lalaki, so pasensya na kayo girls kung tungkol lang sa mga lalaki ito. Alam kong marami rin kayong pinagdadaanang discrimination at bias sa lipunan natin. Pero alam ko rin namang marami kayong katulong na ipaglaban ang mga karapatan nyo. Ang gusto ko lang naman eh sabihin yung side namin na parang hindi masyadong napapansin. Continue reading ‘Tao Rin Kaming Mga Lalaki’

 
Follow

Get every new post delivered to your Inbox.

Join 41 other followers