Short Answer: Yes. Why? Read on.
Panimula
Ah yes, the first move. Dito nagsisimula ang lahat. Kahit paano pa man kayo nagkakilala o nagkita, kailangang may maunang magsalita, magpakita ng motibo, magparamdam ng feelings at magrisk na magmukhang tanga. Para sa mga traditional, isa lang ang dapat na mauna, at kami yun. Kaming mga lalaki ang dapat na magfirst move, kung makikinig kami sa mga nanay at tatay at mga lolo’t lola namin. Pero sa panahon ngayon, kelangan pa rin ba na laging lalaki ang mauna, o okay lang kung minsan ang babae naman ang maging aggressive?
Old School
Lumaki akong medyo old school. Naniniwala ako noon sa mga traditional na pag-iisip, gaya ng kailangang magsibak ng kahoy ng lalaki kapag nanliligaw, o kaya naman mangharana o kung ano pang makalumang style noon. Pero syempre kailangan rin mag-adjust para sa makabagong panahon, kaya naman imbis na ipagsibak mo ng kahoy eh igagawa mo na lang ng project at imbis na haranahin mo eh magrerecord ka ng kanta at iuupload mo sa youtube, facebook o soundcloud. Haha.
Bukod sa mga to, isa siguro sa pinakalumang kaisipan tungkol sa pagrerelasyon ng babae at lalaki ay kung sino ang dapat maghabol at kung sinong dapat na hinahabol. Ang mga babae raw e dapat na steady lang at maghintay lang sa kanilang prince charming, at kaming mga lalaki naman ang syang maglalakbay at maghahanap ng babaeng aming liligawan. Hindi ko alam kung bakit ganito, pero dahil ganito ang kinalakihan ko, tinanggap ko na lang.
Maraming beses ko nang narinig noon pa yung mga usapan ng mga babae kapag may nabalitaan sila na babae ang nag-first move. Siguro kaya marami pa ring ayaw nito, dahil parang ambaba ng tingin sayo ng mga tao. Kesyo malandi raw kasi sya pa unanng nagpakita ng motibo. Pero ang tanong ko, ano bang masama? Bakit ba parang negative sa babae yun? Dahil lang ba sa lipunan natin? Dahil sa tradisyon? Dahil yun ang nakasanayan? Kung yun lang ang dahilan, eh wala naman pala talagang dahilan para matakot ang mga babae. Aba dati nga kapag hinawakan ang babae ng lalaki eh kasalan na agad. Pero ngayon ano? Kung anu-ano nang nangyayari pero hindi na pinipilit ikasal. Kasi naman, hindi praktikal. Sigurado akong ganyan din ang mangyayari sa pag-first move ng mga babae.
Benefits
Kung darating tayo sa punto kung saan pwede nang mag-first move ang mga babae, at pwede na ring sila ang manligaw, o pumorma o kung ano pang pang-aakit na tulad ng ginagawa ng mga lalaki, I think the world would be a better place. Haha. Seryoso. Una, para saming mga lalaking torpe o introvert o sadyang hindi lang magaling makipag-usap at magpapogi sa mga babae, pwede na rin kaming makahanap ng babaeng gusto kami. Sigurado akong maraming lalaking may gusto sa isang babae pero sa sobrang torpe eh walang magawa, at ito namang si babae ay gusto rin si lalaki, pero dahil nga babae, ay wala ring magawa. Kawawa naman sila. Sigurado rin akong maraming babaeng kahit isang beses lang ay sumagi na sa isip nila na “shet, kung pwede lang eh ako na ang manliligaw sa kanya!”. Well girls, isipin nyo na lang, pwede naman eh! Haha.
Pangalawang benefit eh mas makakapili ang mga babae. Alam kong may advantage kaming mga lalaki dahil makakapili kami ng liligawan namin. May choice kami. Pero sa mga babae, kung ang gagawin nyo lang eh maghihintay ng manliligaw, wala kayong kontrol. Pano kung puro hindi nyo type ang nanliligaw sa inyo? Anong mangyayari sa inyo? Kaya naman ok rin na magtake control ng love life nyo. Kung lahat ng manliligaw mo eh olats, at yung crush mo eh parang walang balak na ligawan ka o kahit man lang pansinin ka, aba sige na, gawan mo na ng paraan. Kung ang lalaki pwedeng mag try and try until we succeed, gusto ko kayo rin.
It’s Happening
Siguro napansin nyo na nagsimula na tayong mapunta sa ganung state ng society. Kung titignan mo, usong uso na ang pagpapacute ng mga babae. Kung dati puro pasimple lang at patagong maghahayag ng pagtingin, aba ngayon mas open na ang mga babae. Nagttweet o nagpopost na na viewable ng public at minsan naka-tag pa yung crush nya. Haha. Marami na rin akong nakilalang mga babaeng hindi takot umamin sa kanilang crush (nung high school ako marami akong nakilalang ganyan) so pakiramdam ko talaga na we’re on our way.
May mga magsasabing masama ito para sa ating lipunan. Nakakababa raw ng dignidad at respeto sa babae. Nawawalan ng finesse at poise ang mga babae. Nagiging parang malandi. Sa mga nagsasabi at magsasabi nyan, bahala kayo sa buhay nyo. Haha! Girls, wag nyong pakinggan yang mga taong yan, dahil hindi naman dun masusukat ang dignidad at respeto sa isang tao. Saka iba naman yung gumawa ka ng first move o pumorma sa lalaki kumpara sa ibigay mo na agad ang lahat lahat. Haha. Syempre kailangan pa rin ng konting pakipot. Konti lang. :p
Sa mga nag-iisip na torpe lang kasi ako o tamad mag-effort, ewan ko. Siguro tama kayo. Pero isipin nyo, bakit naman hindi? Babae lang ba ang may karapatang maupo lang dyan at maghintay? Para saming mga torpe, introvert o hirap “kumonek” sa mga babae, why not give a chance na yung mga babae naman ang magtry? I mean gagawin rin naman nila yun ng kusa, wala namang pilitan. I just want everyone to have a fair shot. Pasensya na po sa mga gwapo at hearthrob na dismayado sa mga sinabi ko. Alam ko kasi may mga lalaking mababa ang tingin saming mga lalaking walang “game” o yung hindi makaporma ng maayos sa mga babae.
Last Words
Inuulit ko, simple lang ang sagot sa tanong ko – dapat ba o okay lang ba mag-first move o pumorma o magpakita ng motibo ang babae sa lalaki? Oo. Dahil wala namang masama rito. Yung mga “masama” na naiisip mo at ng ibang tao, eh sa isip lang nila yun. Eh ano kung ikaw ang nanligaw sa bf mo? At least nakuha mo yung gusto mo at hindi ka nagsettle sa mga manliligaw mong hindi pasado sa standards mo.
Kung matatanggap ng lipunan natin ang pag-approach ng babae sa lalaki, things will be different. Would it be better? I’m not sure, in general. But for frustrated girls and torpe guys, it may just be what we need. Kung sa boys madalas sinasabing wala namang mawawala kung magtry, girls, sa inyo rin walang mawawala. 🙂